BASES CASAS DAS LINGUAS MARIA BALTEIRA E
ESTRADA DA GRANXA
CURSO 2021-2022
1.- Persoas destinatarias.
Persoas empadroadas no Concello de Lugo e nenas/os a partires de 6 anos de
idade que deberán de ter cumpridos no momento de inicio da actividade. No caso
de persoas non empadroadas terían a opción de matricularse nas prazas vacantes.
2.- Modalidade do servizo,
horarios e período de prestación deste.
As actividades levaranse a cabo dende o 27 de setembro ata o 17 de xuño en
cada unha das casas das linguas.
3.- Procedemento para a
solicitude e concesión do servizo.
O procedemento para a concesión do servizo iniciarase
coa solicitude das persoas interesadas durante o período de
inscrición entre os días 1 e 14 de setembro de 2021.
Sorteo das prazas: 15 de setembro. Publicación do listado de persoas
admitidas ese día as 15:00h.
As listaxes de persoas admitidas e de listas de espera serán por riguroso
sorteo tendo lugar preferente as persoas empadroadas no Concello.
As solicitudes para Casa das Linguas Estrada da Granxa poderanse
efectuar presencialmente ou preferiblemente no correo: casa.linguas@lugo.gal
As solicitudes para Casa das Linguas Maria Balteira poderanse
efectuar presencialmente ou preferiblemente no correo: casa.linguas.balteira@lugo.gal
Poderanse solicitar varios idiomas pero só se poderá presentar unha
solicitude por idioma. No caso de solicitudes duplicadas do mesmo idioma nos
dous centros, serán anuladas e non entrarán no sorteo.
4.- Documentación que hai
que achegar unha vez admitido:
Unha vez confirmada a praza, deberán de achegar a fotocopia do DNI, folla
de inscrición cuberta, unha fotografía tamaño carné e o xustificante do pago de
taxas que serán 30,90€ para adultos e maiores de 14 anos, para as nenas e nenos
ata esa idade a actividade será gratuíta; no caso de menores de
idade, achegarase o DNI do pai/nai ou titor legal que realice a
solicitude, folla de inscrición cuberta, unha fotografía tamaño carné e a
autorización da toma de imaxes.
5.- Pago de Taxas.
Adultos e maiores de 14 anos: deberán abonar 30,90€ por idioma en concepto
de matrícula para o curso anual.
Modelo 503 para as taxas de pago: o modelo do impreso para o pago pódese
recoller nos centros das Casas Das Linguas xa impreso ou ben descargalo
da páxina Web do Concello ou no Blog da Casa
Das Linguas, no caso de descarga do documento, deberanse imprimir 3 copias
do mesmo arquivo (ca mesma numeración):
· Exemplar para o
solicitante.
· Exemplar para o
banco.
· Exemplar para
entregar no centro da Casa Das Linguas
Non se considerará matriculada a persoa que non teña presentado o xustificante de pago.
6.- Concesión.
O día 15 de setembro as 15:00, publicarase o listado de persoas admitidas en
cada unha das Casas das Linguas e no Blog (no caso de menores de idade darase
información da adxudicación no servizo 010 ou nos centros
directamente por protección de datos). As persoas admitidas terán que aportar a
documentación necesaria para realizar a formalización da matrícula entre
o 16 e 24 de setembro de 2021.
Para Casa das Linguas Estrada da Granxa poderanse efectuar
presencialmente ou preferiblemente no correo: casa.linguas@lugo.gal
Para Casa das Linguas Maria Balteira poderanse efectuar
presencialmente ou preferiblemente no correo: casa.linguas.balteira@lugo.gal
Inicio das actividades: luns 27 de setembro de 2021.
No suposto de que algunha das persoas admitidas incumpran as obrigas de asistencia sen a xustificación oportuna (máis de 4 faltas sen xustificación), causará baixa na actividade solicitada, sendo cuberta a praza, se existe listaxe de reservas, segundo a orde establecida na listaxe de reserva.
PROTOCOLO COVID-19
· Será obrigatorio o
uso da máscara en todo momento no interior das instalacións das Casas Das
Linguas e o uso do xel desinfectante colocado nas entradas dos centros das
Casas Das Linguas.
· O usuario das
actividades e no caso de menores de idade, o titor/a deberá asinar a carta
responsable no que se compromete a NON asistir ou NON enviar ao menor ao centro
e manter illamento preventivo domiciliario nos seguintes supostos:
o Se o alumno/a ten síntomas
compatibles coa COVID-19, poñéndose en contacto co centro de saúde asignado e
co centro da Casa Das Linguas.
o Se algunha persoa do núcleo familiar é sospeitosa de padecer a COVID-19 o alumno/a non poderá acudir ao centro da Casa Das Linguas ata que se coñeza o resultado da proba e sexa negativo.
· As persoas usuarias
das actividades só poderán permanecer no centro durante o horario das
actividades. No caso de menores de idade, deberán vir acompañados dun titor/a
que agardará a que o/a profesor/a da actividade recolla ao menor na porta do
centro, o persoal do centro procederá a toma de temperatura ao menor (non
poderá asistir as actividades se supera os 37 grados). O/a profesor/a entregará
ao menor na porta do centro a finalización da actividade.
